Свт. Григория, еп. Нисского (после 394). Прп. Дометиана, еп. Мелити́нского (601). Свт. Феофана, Затворника Вышенского (1894). Прп. Маркиа́на пресвитера (V). Прп. Павла Коме́льского (Обно́рского) (1429). Прп. Антипы Валаамского (Афонского) (1882).
Прп. Макария Пи́семского (XIV). Блж. Фео́звы диакониссы, сестры свт. Григория Нисского (385).
Сщмч. Зиновия Сутормина пресвитера (1920); сщмч. Петра Успенского пресвитера (1930); сщмч. Анатолия, митр. Одесского (1938).
Утр. – Ин., 35 зач. (от полу́), X, 1–9*. Лит. – 1 Пет., 58 зач., I, 1–2, 10–12; II, 6–10. Мк., 53 зач., XII, 1–12. Свт. Феофана: Евр., 318 зач., VII, 26 – VIII, 2. Ин., 36 зач., X, 9–16. Свт. Григория: 1 Кор., 151 зач., XII, 7–11. Мф., 34 зач. (от полу́), X, 1–8**.
* Чтения свт. Феофана (на утрене и литургии) читаются, если ему совершается служба.
** Чтения свт. Григория читаются, если ему совершается служба.
Тропарь Богоявления, глас 1:
Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ Возлю́бленнаго Тя Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся, Христе́ Бо́же,// и мир просвеще́й, сла́ва Тебе́.
Кондак Богоявления, глас 4:
Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.
Тропарь святителя Феофана, глас 8:
Правосла́вия наста́вниче,/ благоче́стия учи́телю и чистоты́,/ Вы́шинский подви́жниче, святи́телю Феофа́не богому́дре,/ писа́ньми твои́ми сло́во Бо́жие изъясни́л еси́/ и всем ве́рным путь ко спасе́нию указа́л еси́,// моли́ Христа́ Бо́га спасти́ся душа́м на́шим.
Кондак святителя Феофана, глас 4:
Богоявле́нию тезоимени́тый,/ святи́телю Феофа́не,/ уче́ньми твои́ми мно́ги лю́ди просвети́л еси́,/ со А́нгелы ны́не предстоя́ Престо́лу Святы́я Тро́ицы,// моли́ непреста́нно о всех нас.
Тропарь святителя Григория и преподобного Дометиана, глас 4:
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.
Кондак святителя Григория, глас 1:
О́ком душе́вным бо́дрствуя, святи́телю,/ бодр па́стырь яви́лся еси́ ми́ру,/ и жезло́м му́дрости твоея́, и те́плым предста́тельством твои́м/ вся отгна́л еси́ злосла́вныя, я́ко во́лки,/ невре́дно соблю́д ста́до,// Григо́рие всему́дре.
Ин кондак святителя Григория, глас 2:
Це́ркве боже́ственный иера́рх/ и прему́дрости честны́й тайноглаго́льник,/ Нисси́йский бо́дрый ум, Григо́рий,/ со А́нгелы ликовству́я/ и наслажда́яся Боже́ственным све́том,// мо́лится непреста́нно о всех нас.